悅嚐 (已結業)

话说食鲗鱼涌嘅野开始有d闷，终于忍唔住试下..开左一段时间而又未试过嘅悦尝。入到去，位置唔多，不过餐牌上都有我想点嘅野食，同男友坐低左后，就叫左 洋葱蕃茄烩牛肉饭 同埋 蒜香麻酱鸡丝拌面。唔洗等好耐就好快有野食，份量都比预期多。洋葱蕃茄烩牛肉饭，估唔到佢d牛咁大旧，但系原来好林，岩哂我箍牙怕冇力咬/或者摄牙缭嘅麻烦人，比起其他出名嘅牛腩面d牛，好味好多！仲要唔系普通白米，系用靓嘅壳米。蒜香麻酱鸡丝拌面，用筷子夹开d𩠌，就闻到好香麻油味，有鸡丝、有蟹柳，捞完一齐食，好好味！仲要碗面系暖暖地，我地唔想食冻野，岩哂。食完，饮埋杯咖啡，饱到不行，超级满足。