味千拉麵 (第一城中心) (已結業)

住石门行去第一城其实好近，突然兴起过去食嘢，原先谂住食吓炸鸡，行过见到味千拉面，原来同太座都未食过，好，今晚入去一试!睇吓餐牌价钱又唔系好贵，一心以为平D冇人地咁好食啦，饮咗啖汤底已经知道咁谂系错，汤底够料!“味千之霸”睇个名就知系招牌之一，对于我呢D第一次嚟食嘅当然系首选，猪软骨松软入味，好骨胶原feel，流心蛋有蛋味，叉烧入口即溶，瘦肉部份唔鞋，但总觉得日本所讲嘅叉烧唔够广东叉烧咁正，哈哈!“赤火恋”系全场唯一辣嘅拉面，至啱太座，但佢话好味不过唔够辣，可以再辣D!“味千饺子”上枱热腾腾，肉汁ok，唔错!“ShakeShake薯条”估唔到咁出色，叫咗海苔味，唔食薯条嘅我都食咗大半，一定要试!埋单见到好多外卖用foodpanda，职员话做紧买满100减30嘅优惠，哗!下次我都叫foodpanda送嚟屋企喇!