影片
更多
2023-06-01
246 浏览
返工返到一头烟，忙到得半粒钟食饭，最后求其拣咗公司附近一间台食店试下。本身无咩期望，只系但求食个快饭填饱个肚就算，点知食落都有惊喜！甫入店内，已经见到人头涌涌，惊住要排队嘅我已经考虑转场，好彩店员见到我即刻同我打招呼，加上我只系一个人，所以即刻有位，完全唔使等(所以有时毒食都有毒食嘅好处㗎！)午餐有set同散嗌，分别系有无餐饮跟。我最后拣咗一份盐酥鸡排汤面，跟热柠茶，盛惠$55。送餐时间快，落单唔够5分钟已经有得食，对繁忙嘅都市人嚟讲简直系恩物！讲一讲味道先，鸡排热、脆、皮薄肉厚而唔韧，盐同咸味啱啱好，味道算得上一流；讲真，呢个价钱呢个水准真系令我好惊喜！面方面，佢系一种类似手工面嘅粗身面条，口感似上海面同乌冬嘅混合体，汤底浓度啱啱好！最后讲下杯热饮，柠檬片好多，味道正常，稳阵之选。提一提份量，对女仔嚟讲都算几大碗，我最后都食唔哂啲鸡排，所以份量嚟讲系正常偏多。整体嚟讲，不论味道、份量、价钱同埋服务态度都系好好，美中不足系环境太过狭窄，有部分座位对正洗碗位置，但瑕不掩瑜，值得推荐！
甫入店内，已经见到人头涌涌，惊住要排队嘅我已经考虑转场，好彩店员见到我即刻同我打招呼，加上我只系一个人，所以即刻有位，完全唔使等(所以有时毒食都有毒食嘅好处㗎！)
午餐有set同散嗌，分别系有无餐饮跟。我最后拣咗一份盐酥鸡排汤面，跟热柠茶，盛惠$55。送餐时间快，落单唔够5分钟已经有得食，对繁忙嘅都市人嚟讲简直系恩物！讲一讲味道先，鸡排热、脆、皮薄肉厚而唔韧，盐同咸味啱啱好，味道算得上一流；讲真，呢个价钱呢个水准真系令我好惊喜！面方面，佢系一种类似手工面嘅粗身面条，口感似上海面同乌冬嘅混合体，汤底浓度啱啱好！最后讲下杯热饮，柠檬片好多，味道正常，稳阵之选。提一提份量，对女仔嚟讲都算几大碗，我最后都食唔哂啲鸡排，所以份量嚟讲系正常偏多。
整体嚟讲，不论味道、份量、价钱同埋服务态度都系好好，美中不足系环境太过狭窄，有部分座位对正洗碗位置，但瑕不掩瑜，值得推荐！
盐酥鸡排汤面配热柠茶
$55
20 浏览
0 赞好
0 留言
张贴
