招點薈 (已結業)

估唔到广东道都有好嘢食佐敦，话大唔大话细唔细，最旺既区域当然系弥敦道， 但系通街都系人，餐厅细，坐又坐得唔舒服。 倒不如行远少少去享受一下， 品尝食物嘅乐趣。 今次就去咗位于广东道嘅招点荟， 餐厅虽然唔系喺主要旺区 ，但系食物有诚意有质素。椰菜花忌廉汤椰菜花打得细致， 菜香幽幽扑鼻， 饮落口仲有一阵余韵。 整体嚟讲口感不错。忌廉芝士蘑菇焗鸡蛋呢度菜最出色之处系，蛋焗完后仍然呈流心， 一笃破蛋黄， 蛋黄就随著芝士及忌廉四散到菇菌的周围。 菇味香浓之余，再加埋芝士及鸡蛋的香味， 味道更上一个层次。普罗旺斯杂菜意大利粉，最啱素食人士。以意大利黄绿翠玉瓜，与及蕃茄制作而成，蕃茄味道酸香鲜活，意大利粉煮得烟韧不过淋，属健宜清新之选。香煎青衣柳，可配饭/意粉或薯菜。 青衣柳煎得香口却不过火，保持了鱼肉的鲜甜口感， 特别欣赏面头的忌廉汁，泡泡打得细致， 唔会感觉肥腻。 另外仲会配上薯菜， 分别有香煎新薯及意大利翠玉瓜， 烧得香口， 翠玉瓜仍然有满满的汁液。 整体嚟讲细致好吃。