影片
更多
2022-08-17
553 浏览
近排喺IG见到好多朋友去咗帮衬位于长沙湾嘅「新沙洞澡堂」，餐厅环境好似好靓咁。星期五休假就约咗旧同事去呢度食饭，估唔到平日都要排队，人气果然好高👏。餐厅以韩国澡堂为主题🛁🫧，特别得嚟又好过瘾。中间位置坚系有个澡堂，有唔少靓女喺度打卡。另外墙身亦挂上花洒，哈哈。呢度主打韩国菜🇰🇷，价钱OK啵，套餐就直头系抵上加抵。全部食物卖相都好吸引，绝对系色香味俱全！新沙洞特色甜品套餐($328/2人份量)，下午茶餐用粉红色架装住十六件咸甜点，少女味爆登🎡💖，另外再包两杯饮品。上层有原味窝夫牛角包、两款咸点同马卡龙。咸点口味分别系烟三文鱼同碎蛋，装住馅料嘅曲奇皮麻麻哋，因为偏硬同淡味，不过啲馅OK。🍭马卡龙有惊喜，唔会死甜，带焦糖同杏仁香，而且脆身唔黏牙。🥐原味牛角酥窝夫有两件，并配上提拉米苏酱同奶酱食，前者采用软芝士，口味正宗，后者重花生酱，口感比较腻。牛角酥窝夫又名Croffle，制法系将牛角酥压扁成为窝夫，佢再无松脆嘅层次，但就保持酥皮牛油香。下层有芒果奶冻🥛、宇治抹茶挞、士多啤梨挞同朱古力挞。奶冻几香滑，芒果唔酸。几款挞属正常发挥，不过朱古力𠮶款内有干坤，朱古力酱之中蕴含香蕉蓉🍌，果香四溢。麻
近排喺IG见到好多朋友去咗帮衬位于长沙湾嘅「新沙洞澡堂」，餐厅环境好似好靓咁。星期五休假就约咗旧同事去呢度食饭，估唔到平日都要排队，人气果然好高👏。
餐厅以韩国澡堂为主题🛁🫧，特别得嚟又好过瘾。中间位置坚系有个澡堂，有唔少靓女喺度打卡。另外墙身亦挂上花洒，哈哈。
呢度主打韩国菜🇰🇷，价钱OK啵，套餐就直头系抵上加抵。全部食物卖相都好吸引，绝对系色香味俱全！
新沙洞特色甜品套餐
$328
28 浏览
0 赞好
0 留言
上层有原味窝夫牛角包、两款咸点同马卡龙。咸点口味分别系烟三文鱼同碎蛋，装住馅料嘅曲奇皮麻麻哋，因为偏硬同淡味，不过啲馅OK。🍭马卡龙有惊喜，唔会死甜，带焦糖同杏仁香，而且脆身唔黏牙。
🥐原味牛角酥窝夫有两件，并配上提拉米苏酱同奶酱食，前者采用软芝士，口味正宗，后者重花生酱，口感比较腻。牛角酥窝夫又名Croffle，制法系将牛角酥压扁成为窝夫，佢再无松脆嘅层次，但就保持酥皮牛油香。
下层有芒果奶冻🥛、宇治抹茶挞、士多啤梨挞同朱古力挞。奶冻几香滑，芒果唔酸。几款挞属正常发挥，不过朱古力𠮶款内有干坤，朱古力酱之中蕴含香蕉蓉🍌，果香四溢。
麻辣劲爆芫茜韩式炸鸡
$88
4 浏览
0 赞好
0 留言
韩式拌饭($68)，🍚拌饭大大碗，饱肚之选。虽然我哋无嗌肉，但其他料都好足，例如有煎蛋、芽菜、菠菜、紫菜同芽菜等，再捞埋辣酱食，味道唔错，饭粒亦粒粒分明。
法式焦糖炖蛋韩式牛角酥窝夫
$58
3 浏览
0 赞好
0 留言
饮品方面，我哋加$10转咗无酒精鸡尾酒🍸，原价$58。左边𠮶杯系雪岳山，而右边就系新沙洞枪手。雪山造型无得输，味道类似波子汽水乳酸梳打🏔。枪手如从颜色推断一样，系橙味汽水，味道唔太甜🍊。
总括嚟讲，打卡餐厅畀人一贯嘅形象都系得个样，不过新沙洞澡堂相反，佢竟然好食又抵食，店员服务态度亦抵赞。难怪有咁多人帮衬，餐厅值得推介👍。
张贴
