荳子 (新城市中央廣場)

营业中

休息中

星期六去咗Home Square 间beans，四点几钟唔系人多。点咗个「爱尔兰蛏子•柠檬罗勒汁意粉」但来到完完全全系芝士忌廉白汁意粉，完全冇柠檬味，又唔见罗勒。同个高级啲嘅职员讲，佢入厨房了解。好耐先出返来，佢解释，个汁系有忌廉成份，仲话𠮶啲叶就系罗勒！佢如果唔系咁死撑，当啲客系白痴，我都冇咁火🤬🤬🤬，𠮶啲系parsley 唔系罗勒！乱Q咁噏啲嘢来昆个客。其实佢如果话搞错咗，我系会算数嘅，佢咁来昆我，真系火都嚟！居然连beans 都变得劲hea 劲求其，啲圣子似系白烚或者蒸，再放上去个意粉度，即系个意粉其实系咩汁都得！除此之外仲点咗西班牙海鲜焗饭，啲所谓海鲜全部都over cook 又干又缩水又冇味．．叫佢cancel 咗个蛏子意粉，本来想叫过第二样，但见佢两样嘢都整得咁求其咁Hea，仲要昆我，好气顶，两个人就咁食完个海鲜饭就埋单，结果本身跟个蛏子意粉嘅黑糖姜茶收咗我原价$30！好心痛，曾经好好嘅beans 都变成咁hea咁求其😭😭😭百几蚊碟饭，俾啲咁嘅质素，想点？