興華粥麵

营业中

休息中

3点几下午茶时间，去开石硖尾有d野要做，做完之后谂住走又肚饿wo，谂住揾d野食下la，但病病地唔想食茶餐厅，见到有间粥舖，唔系好贵，即管入去试下la。见到个menu，花多眼乱，突然见到个鱼片粥，谂起细个呀妈煲果d，就拣呢个la!另外再叫多个斋肠粉，因为病紧清清地算喇。个斋肠黎先，见佢个样几靓仔，好似几好食咁，就相都无影快快手手食晒-.-都唔系无影ge，碗粥张相入面见到只吉碟。斋肠粉我唔识点形容佢，总知就好食，特别系d芝麻，唔知点解，一入口果下，我即刻打左个问号：点解d芝麻咁香ge-.-?。可惜份量就少左d。个鱼片粥无几耐之后就黎到喇。第一啖，真系同呀妈以前煲果d有几分相似，师傅仲要落左姜丝，我食之前心入面谂ge野佢都有，可能系我太耐无接触过粥舖。d鱼片，都几多几大块，少少腥，但几过瘾，同埋佢有少少幼骨，吞得落果只。总之....就好食。近年黎出街会食粥ge机会都唔多，而且多数都系食海王果d大大间。虽然细个去开d细舖食，甚至以前食冷巷果d生滚粥，但有时想揾番，发觉已经无晒影，有时见到d入去试下，又唔系咁好食，咁岩今日行开好少去ge石硖尾就遇到间，希望佢长做长有，等我可以去试埋其他野la。