金輝燒臘

营业中

休息中

好耐无同呀妈行街市，今日既然佢老人家叫到，当然要陪下佢。买完鱼同菜之后，呀妈就话不如今晚斩料番去食，烧味我最钟意食，紧系话好！ 其实自己都好耐无行街市，不过依稀仲记得呢间烧味铺细细个已经系度，不过呀妈一定清楚过我。佢话沙田街市开既时候，铺头已经系度，佢自己都成日帮衬，我由细食到大。 见到摆出嚟既烧味，色彩鲜艳，又有光泽。于是就斩左叉烧，烧肉同埋烧鸭番屋食。 打开发泡胶盒，先发现原来师傅都好细心咁将各样烧味摆得整齐，仲谂住普通烧味都系求奇放埋就算，唔怪得开业多年都屹立不倒。睇番三样烧味，真系比晒肉既部分我地，非常老实！ 叉烧肥瘦适中，表面有蜜汁，食落唔干身。 烧肉，好有肉地，皮还带少脆，连埋芥辣食一流！ 烧鸭皮脆啖啖肉，无咁脂肪，紧系要点话梅酱。咁多咁好食既烧味，结果当然系要再添饭啦！我发现金辉除左烧味本身味道唔错，仲有一份人情味系里面。