利寶會館

营业中

休息中

难得同老婆撑枱脚，但又想食高质d既中菜，就拣左利宝会馆，有fd午餐食过唔错介绍我去食，对于选择障碍症既我黎讲就最怕拣食乜，好在佢有个自选位餐，只要一人拣返个小菜就搞掂，个餐包左好多野。首先黎个浓汤鸡煲翅，饮落鸡味香浓而清甜，配上一大排鱼翅，弹牙冇得输，完全系高级嘅享受。招牌脆乳鸽外皮炸得皮脆肉嫩，鸽肉嫩滑多汁，食到差啲手指都食埋。 套餐包左一位选一个小菜，我哋拣左菠萝咕噜肉同滑蛋炒虾球，咕噜肉糖衣脆到冰糖葫芦咗内里肉质松软，配上新鲜菠萝，甜酸度刚刚好。滑蛋炒虾球嫩滑得嚟仲有啲蛋汁加埋新鲜弹牙既虾仁，清爽既葱粒令到呢个𩠌又多左一重口感。仲有个拳头咁大既鲜虾荷叶饭，未打开已经闻到清香既荷叶味，饭粒分明，鲜虾够爽配搭得几好，食埋呢个够哂饱。糖水系蛋白杏仁茶，杏仁气味独特清香，入口顺滑且有蛋白碎，甜而不腻。