影片
更多
2012-07-01
360 浏览
Bismillah Kebab House 系一间中东菜餐馆,位于尖沙咀重庆大厦一楼,开左大约两年,OpenRice 评分高达4.3,咁耐以黎都冇劣评店主系巴基斯坦人,请左土耳其厨师制作地道卡巴 呢间中东菜餐厅就连电视艺人金刚都帮衬过早前o系网站用每张$25价钱买左两张鸡肉卡巴四选一套餐 coupon,每张coupon 可以换到鸡肉卡巴一份及汽水一罐 (原价$51)当日下午茶时间我地黎到重庆大厦,由于印象中以前未入过呢幢大厦,唔熟悉环境,我地问看更点样上一楼食肆,佢初头话o个层冇乜野食,不过听到我地话去75号舖就知道我地去食卡巴,由此可见近期都几多人问佢点去呢间舖头我地沿住窄窄o既楼梯上一楼,上到去直行就见到角位有呢间餐馆,佢地大约有六,七张折台,部份放o系走廊两旁,部份o系隔离舖位,门面都算企理干净可能o个时系大约5pm,唔见有本地人帮衬,只有两三台印巴籍客人坐o系度食野我地坐o系对住店舖o既一张台,一名年青印巴籍店员见到我地就递上两本餐牌,我地见到餐牌o的野食唔平,况且我地系享用团购卡巴套餐,冇谂住再叫其他野食,于是俾左张 coupon 店员,佢冇问我地饮乜野就走左去隔左一阵店员又
店主系巴基斯坦人,请左土耳其厨师制作地道卡巴
呢间中东菜餐厅就连电视艺人金刚都帮衬过
早前o系网站用每张$25价钱买左两张鸡肉卡巴四选一套餐 coupon,每张coupon 可以换到鸡肉卡巴一份及汽水一罐 (原价$51)当日下午茶时间我地黎到重庆大厦,由于印象中以前未入过呢幢大厦,唔熟悉环境,我地问看更点样上一楼食肆,佢初头话o个层冇乜野食,不过听到我地话去75号舖就知道我地去食卡巴,由此可见近期都几多人问佢点去呢间舖头
我地沿住窄窄o既楼梯上一楼,上到去直行就见到角位有呢间餐馆,佢地大约有六,七张折台,部份放o系走廊两旁,部份o系隔离舖位,门面都算企理干净
可能o个时系大约5pm,唔见有本地人帮衬,只有两三台印巴籍客人坐o系度食野我地坐o系对住店舖o既一张台,一名年青印巴籍店员见到我地就递上两本餐牌,我地见到餐牌o的野食唔平,况且我地系享用团购卡巴套餐,冇谂住再叫其他野食,于是俾左张 coupon 店员,佢冇问我地饮乜野就走左去
隔左一阵店员又笑笑口用半咸半淡o既英文问我地睇完餐牌后叫乜野食,我地就开始觉得唔对路
之后有位比较讲得好o的英文o既店员 (疑似老板) 招呼我地,我地同佢讲用团购优惠,佢就叫我地出示 coupon,心谂乜唔系张 coupon 俾左头先o个位店员咩?呢个时候年青店员返黎,原来佢将我地o既 coupon 放o系牛仔裤袋,哗! BabyBamboo coupon o系唔识中文o既年青印巴籍店员眼中原来只系一张宣传单张又或者系一张废纸,真系搅到我地差o的吓破胆!疑似老板睇完 coupon 问我地饮乜野汽水,我地两个都选择百事
等候卡巴o既时候,我地留意到侧边有个柜放左几多饮品及罐头,见到有大陆五香肉丁罐头,唔知佢地会用黎做乜野中东菜呢?另外,我地发现可乐公司出品o既红提莎同埋苹提莎有气果汁只系卖$10支,真系仲平过超市
大约十分钟后,鸡肉卡巴同百事终于送黎,鸡肉卡巴用锡纸包住,分开两件上碟
卡巴内有秘制 BBQ烧汁,外皮有o的脆,暖暖地,入面除左鸡肉,仲有几多新鲜生菜、洋葱、蕃茄同埋沙律酱,几清新,唔觉得油腻,鸡肉都有肉汁,唔觉得柴
当我地食紧卡巴o既时候,年青印巴籍店员走黎想同我地倾计 “朋友, I don’t know Chinese!”,之后佢冇讲其他野,坐o系隔离张台望住我地食,我地有谂过打开话题,想问下佢识唔识得贴o系玻璃窗上面张相o既金刚,不过最后都冇问
呢度o既卡巴除左配鸡肉,仲可以配牛肉或羊肉,另外佢地通常随餐附送o既汽水系选用较受市场欢迎o既可乐公司出品,可能成本问题采用较平价o既百事、七喜俾团购客人,虽然团购可用半价享用卡巴套餐,不过卡巴款式及汽水就冇咁好o既选择
其实今次我地唔系第一次食卡巴,半年前我地食过亚士厘道 Ebeneezer's Kebabs & Pizzeria,觉得味道差不多,不过Ebeneezer's Kebabs & Pizzeria o的卡巴有多o的菜
相对于其他团购网站,团购达人欢喜揾o的比较大众化o既优惠,例如系火锅及米线,好少要大家享用优惠时同店员用英文沟通,我地打算问下老板点解会有呢个难得o既合作机会,究竟系团购达人觉得卡巴店老板有诚意,抑或系老板揾团购达人倾呢个优惠,不过老板唔知行左去边度,我地o系舖头等左超过十分钟都唔见佢返黎,唯有日后先为大家解开呢个谜团
卡巴系一款近年多左香港人认识o既食品,市面亦都多左卖卡巴o既食肆,就连商场 food court 都有得卖
今次享用呢个团购优惠简直充满惊喜,亦都几抵食,$25就食到一份鸡肉卡巴连汽水,若果日后有机会可以试下其他中东菜
题外话/补充资料：
由于上次团购反应热烈,近期亦再推出另一次优惠,不过又再引起激烈讨论
虽然团购优惠o既标题系注明鸡肉卡巴以及四选一,不过入面就介绍土耳其卡巴卷有鸡肉,羊肉及牛肉,令到唔少人误会点解系四选一卡巴连汽水套餐,原来四选一唔系指卡巴款式,而系选择七喜,百事,美莲达抑或系 Mountain Dew 汽水,网站最后要更改优惠标题先能够平息事件
另外,原来今次优惠只限外卖自取,不过团购网站照用返上次份稿,又冇更改优惠o既变动,结果有人问点解上文话可以堂食,下面又话只限外卖自取,若果推出优惠时与商户多o的沟通,核对清楚文章内容先刊登,就能减少客户服务员o既压力,唔驶话餐厅设有少量坐位,唔用 coupon o既人欢迎堂食黎打圆场喔!
(以上食记乃用户个人意见 , 并不代表OpenRice之观点。)
张贴
