影片
更多
2006-03-29
8 浏览
见有咁多赞食评，决定和男友& 妹妹嚟试。环境唔算靓，室内还OK，室外露天位一啲都唔讨好，凌乱似杂架摊；唔明点解咁多openricer 话呢度环境好。讲完环境讲食物，我地一行3人叫咗：鹅肝、焗田螺、蜜糖鸡翼、墨汁意大利面(跟餐)，牛肋肉阔面，同埋暖心朱古力蛋糕。侍应首先奉上甜餐包，同惠康𠮶啲无分别，无分加。餐汤系稀溜溜嘅 cream soup，颇无诚意，扣分。小食陆续上台，率先登场系蜜糖鸡翼。鸡翼有6只，每只都骨瘦如柴，啲肉劲鞋似火鸡；跟住系鹅肝，有两小块，外唔脆内唔热，而且「零」油润，cheap 到唔可以再cheap 嘅货色。紧接住嘅系焗田螺，一上台我己经觉得有问题，皆因我无见过咁深色嘅田螺肉。无人敢试，男友唯有顶硬上，唔试由自可，一试就把几火，啲田螺竟然系脆嘅！焗㶶咗就唔好拎出嚟啦，离哂普，忍唔住同侍应投诉，侍应亦爽快地叫厨房再做。食到Main dish 终于好番啲。墨汁意大利面绝对做得唔好，只可说是中规中举；牛肋肉阔面则十分抵赞，份量大而且用牛肋肉代替lasagna常用的minced beef，平凡中带惊喜。通常暖心朱古力蛋糕都要等上20多分钟，所以男友系食到差唔多嘅时候就落定or
侍应首先奉上甜餐包，同惠康𠮶啲无分别，无分加。餐汤系稀溜溜嘅 cream soup，颇无诚意，扣分。小食陆续上台，率先登场系蜜糖鸡翼。鸡翼有6只，每只都骨瘦如柴，啲肉劲鞋似火鸡；跟住系鹅肝，有两小块，外唔脆内唔热，而且「零」油润，cheap 到唔可以再cheap 嘅货色。
紧接住嘅系焗田螺，一上台我己经觉得有问题，皆因我无见过咁深色嘅田螺肉。无人敢试，男友唯有顶硬上，唔试由自可，一试就把几火，啲田螺竟然系脆嘅！焗㶶咗就唔好拎出嚟啦，离哂普，忍唔住同侍应投诉，侍应亦爽快地叫厨房再做。
食到Main dish 终于好番啲。墨汁意大利面绝对做得唔好，只可说是中规中举；牛肋肉阔面则十分抵赞，份量大而且用牛肋肉代替lasagna常用的minced beef，平凡中带惊喜。通常暖心朱古力蛋糕都要等上20多分钟，所以男友系食到差唔多嘅时候就落定order。
谁不知等约30分钟，都仲未见踪影，男友就叫侍应催吓厨房。不消一会，侍应就回来告诉我们暖心朱古力蛋糕焗坏咗，厨房已为我们重新再做。当我地以为呢餐饭已无得再差嘅时候，侍应奉上妹妹嘅餐饮- 热华田。饮咗一啖，妹妹已经话好难饮。我好奇试吓，真系几难饮，华田粉落得劲轻手，很稀且淡，颇反胃。
大概15分钟后，万众期待嘅朱古力蛋糕终于隆重登场。用叉拮开蛋糕，啲朱古力桨好似溶岩咁涌出嚟，场面壮观。虽然略严朱古力桨太稀，但仍急不及待将蛋糕& 朱古力桨一并摆入口。Wa..wa..wa.. 真系好好好甜呀！甜得令人却步，连妹妹(warm chocolate cake 痴) 都唔多想食。3 个人连一个warm chocolate cake 都食唔哂，唉！
呢餐饭都可算系低处未算低。
张贴
