金苑酒家

营业中

休息中

經開旺角，突然想食中式酒樓，於是搵左好多間，最後揀左呢間係朗豪坊附近，招牌菜係脆皮有米皇子豬🐖叫左招牌有米皇子豬半隻，共有8件乳豬，乳豬件皮脆，底層跟左炒飯，有加臘腸一齊炒，不過飯底炒唔到粒粒分明，一舊舊飯痴住，略嫌遜色。小菜方面叫左個川式毛血旺，有鴨血，鮮魷，鱔片，芽菜，豬皮。少少偏辣，可能落左好多辣椒，整體都不錯，仲加左一支大藍妹送川菜🍺環境同普通酒樓一樣，無窗，冷氣都夠，坐都舒服，同隔籬枱有距離，就算啲人講嘢，都唔係話去到勁嘈，都傾到計。