漁小館 (已結業)

因为有朋友喺外国番黎，所以就拣左一间中式菜馆。等佢回味下香港既味道一行六人一早就订左位，入座时都仲见倒有好多台，点知转眼间就坐满哂，所以一定要订位啊！杏汁猪肺汤，一上台已经闻倒好香既杏汁味，饮落都好浓味，不过就饮倒有啲粉粒，如果杏仁粉可以再磨得幼细啲就好喇！汤渣都有好大碟，绝对系真材实料霸王鸡，鸡件食落好嫩滑，面头仲放左好多姜葱丝，非常惹味！小炒王，呢碟菜送啤酒一流！炒得好干身同好有镬气，但就略嫌咸左小小，配饭食就岩喇虾子蒸柚皮，本人系唔中意食柚皮所以我系觉得唔好食既😂不过屋企人话煮得好好，柚皮非常腍亦完全无苦味，我谂中意柚皮既朋友可以一试。蒜蓉蒸扇贝，呢碟菜系全晚最失望既，扇贝老左小小，而且粉丝未完全浸软，食落仲有啲硬，豉油都唔够，唯一值得赞系扇贝好新鲜海虾笼仔蒸饭，估唔倒系炒饭底，而且饭粒索哂海虾既精华，好正！不过海虾就无咩味，肉质有小小梅。总括黎讲都好满意，仲有好多推介菜式好想试不过份量颇大，一大班朋友黎食先可以试多啲野！