影片
更多
2012-08-28
62 浏览
1月尾o黎「住家菜」食过1次, 觉得好味又抵食, 所以介绍屋企人今晚o黎试吓...Book位时问职员拎套餐餐单睇定先, 点知... 原来剩系做冬同过年先会供应套餐!!! 平时系得散叫o架咋!!! 最后预订咗「招牌阿嫲鸡」同「南瓜排骨盅」...Book 7:00pm, 职员话晚餐时段分开做6:30-8:30pm同埋8:30-10:30pm, 好强调8:30pm一定要还枱!!! 唉... 8:30pm又太夜, 6:30pm又太早, 最后迫住拣6:30pm, 好彩全部屋企人都神奇地6:30pm到达...我6:00pm就到咗, 划定晒𩠌, 好等大家一到步检视一下就可以即刻落单, 一人齐就有得食...先o黎2煲住家老火汤, 最嘴刃嘅都赞个汤冇落味精, 好好味...招牌阿嫲鸡(1只) -- 依然美味, 份量十足, 好快清晒...南瓜排骨盅 -- 原个南瓜蒸都可以咁腍, 利害!!! 排骨松化, 南瓜软腍, 原个南瓜最后被解体...豉汁蒸西曹 -- 上次食过好好味, 所以推介比屋企人试吓... 初时见到餐牌写住时价都有d担心, 一问之下, 咁大条都只系108蚊, 哗!!! 好抵呀!!! 屋企人听完仲话
Book位时问职员拎套餐餐单睇定先, 点知... 原来剩系做冬同过年先会供应套餐!!! 平时系得散叫o架咋!!! 最后预订咗「招牌阿嫲鸡」同「南瓜排骨盅」...
Book 7:00pm, 职员话晚餐时段分开做6:30-8:30pm同埋8:30-10:30pm, 好强调8:30pm一定要还枱!!! 唉... 8:30pm又太夜, 6:30pm又太早, 最后迫住拣6:30pm, 好彩全部屋企人都神奇地6:30pm到达...
我6:00pm就到咗, 划定晒𩠌, 好等大家一到步检视一下就可以即刻落单, 一人齐就有得食...
先o黎2煲住家老火汤, 最嘴刃嘅都赞个汤冇落味精, 好好味...
招牌阿嫲鸡(1只) -- 依然美味, 份量十足, 好快清晒...
南瓜排骨盅 -- 原个南瓜蒸都可以咁腍, 利害!!! 排骨松化, 南瓜软腍, 原个南瓜最后被解体...
豉汁蒸西曹 -- 上次食过好好味, 所以推介比屋企人试吓... 初时见到餐牌写住时价都有d担心, 一问之下, 咁大条都只系108蚊, 哗!!! 好抵呀!!! 屋企人听完仲话条鱼108蚊啫, 咁煮都要钱o架, 我话108蚊包埋煮o架啦, 佢都唔系好信抵到咁... 见到大家极速清碟, 放心晒, 即系冇介绍错啦... 今次豉汁味冇咁浓, 反而刚刚好, 鱼肉好新鲜, 蒸嘅火喉啱啱好...
蟹子黄金虾 -- 虾肉好爽脆, 咸蛋黄酱好香口, 好好味呀!!! 虽然又热气又高胆固醇, 偶尔放任食一次都无妨吖~
我地张枱系厨房出菜位旁边, 等待屋企人期间, 一闻到香味就昅吓系d咩咁香, 比我昅到铁板蒜爆牛柳粒同埋铁板凤阳豆腐经常出场...铁板蒜爆牛柳粒 -- 好香呀!!! 牛柳粒酱汁甜甜地, 切到细细粒咁, 都几多粒, 小朋友初时唔肯食牛肉, 迫佢食咗1粒之后, 即刻争住食... 不过洋葱可能唔够熟, 大家都话好辣...
铁板凤阳豆腐 -- 我冇机会食就已经冇晒啦...XO酱花枝片 -- 我觉得好好味, XO酱好香㖞, 花枝又够新鲜, 不过大家话好辣㖞...
鲜杂果咕噜肉 -- 上次食过几好味, 今次再叫, 小朋友话好好味, 争住食...
梅菜蒸猪肉 -- 梅菜味偏淡, 猪肉腍身, 清淡之选...柱贝肉崧蒸水蛋 -- 家常小菜, 清清淡淡, 啱晒一年365日都出街食嘅朋友...
腿茸奶油津白 -- Yummy!!! 奶油同津白永远都系绝配...
之后我地又再Order多一个清炒白菜仔... 都好味... 一d都唔油腻...
泰式虾酱炒饭 -- 好好味呀!!! 虾酱好香口, 饭粒炒得好干身, 粒粒味道均匀...
太极鸳鸯饭 -- 中招!!! 见到太极2个字, 就以为系上次食过超美味嘅太极两仪饭... 好彩味道都唔错, 只系普通咗一d啫...是日糖水(送) -- 红豆沙西米露, 都几稀, 但系因为唔太甜而备受欣赏...
寿包(送) -- Book位时问清楚系咪有人生日就有寿包送, 职员话出示到生日证明就可以送, 屋企人到步后, Show一Show身分证就OK, 当然遮咗个身分证号码同埋年份同埋半个名啦... 寿包蒸得好软熟, 唔太腻, 好好味, 不过屋企人问点鲜冇蛋黄嘅?!!
准时8:30pm交枱, 唔知系咪因为今日系端午节嘅关系, 所以门外有好多人等候...食咗12个𩠌, 2个炒饭, 2煲汤, 几支啤酒汽水... 咁先1300蚊, 仲要又鱼又虾, 实在抵到烂!!! 味道偏清淡得o黎都好好味, 菜单大大只字强调「屋企Feel无味精, 清淡少油, 住家靓汤」, 如果佢去我屋企附近开分店就好喇, 咁我就可以日日有住家菜食喇~
张贴
