小酒窩餐廳

营业中

休息中

突然想食异地菜，呢间餐厅一直想帮衬，有哂理由去食啦。因为时间尚早，入座至埋单都冇其他客人，结果包场。餐前小食系脆饼，香口微辣，点豆蓉酱口感清新。Mango Lassi（$52）酸酸甜甜，少许奶味。Chocolate Thickshake（$52）朱古力味唔太重。Butter Chicken（$125）特色奶油鸡，酸甜辣，劲适合捞饭或者配烤饼。鸡件冇骨酸酸甜甜啖啖肉（应该系鸡脾肉）。Garlic Naan（$32）香蒜烤饼，即烤热辣辣，蒜味好香，烤饼微脆。净食或者捞汁都一流。Lamb Kabeb（$122）羊肉烤饼，份量颇大。烤饼皮厚薄适中，包住大量蔬菜同羊肉。蔬菜有蕃茄、紫洋葱、生菜。羊肉软腍，有好少骚味，而且肉嘅份量不少，塞满整条Kabeb。酱汁都有啲辣，但好惹味。另外配以沙律菜。MoMo's（$89）尼泊尔饺子，有十只，即蒸，热辣辣。饺子皮唔算薄，但烟韧有口感。猪肉馅料有肉汁。附上嘅酱汁少少酸辣，点嚟食开胃又解腻。PS：没有加一服务费。