捌壹公館 (已結業)

今日与朋友经过佐敦吴松街，误打误撞见倒【捌壹公馆】，餐牌颇为吸引，又有特色咖啡及多款Cocktail，便来试试。前菜叫左挪威烟三文鱼沙律配牛油果 ($118)，三文鱼卷成花花卖相好靓，沙律菜新鲜爽脆，牛油果熟度口啱啱好，口感顺滑。小食黑松露薯条配特调黑松露蛋黄酱 ($68)大大碟炸得干爽唔会油，配埋黑松露蛋黄酱食好惹味。店长推介麻香海鲜扁意粉 ($128)，话青酱系自家调配，食落唔辣但有轻轻麻香好特别。意粉煮得弹牙，每条都包裹满酱汁好香浓，面头放左D松子仁口感更好。见倒餐牌有COCKTAIL当然要叫番杯试下，Caribbean Pirate ($108) 有Vodka、Cream De Cassis、菠萝汁同红莓，饮落果味突出，酒精度唔算高。用骷髅头杯装打卡一流。特色咖啡成个渡假Feel都翻返嚟 ($48)用椰青水结合咖啡，饮落好refreshing真系有d渡假感觉。面头奶盖用椰子奶打成，唔钟意饮牛奶嘅朋友都可以饮下。餐厅服务都好唔错，加上装修同座位都好舒服，好适合朋友或者情侣嚟饮杯酒，食个饭，谈谈心。下次经过会再嚟试下其他菜式。