HARA

营业中

休息中

上网见到佐敦开咗呢间做西日fusion菜嘅餐厅，好似好吸引，放假特登去试吓。餐厅服务几好，店员不时加茶，上菜亦每一道一道上，可以慢慢享受食物。烧原条喜之次$168竟然有喜之次食㖞🤩，即刻要点嚟试试。以佢价钱，我唔会expect太多，喜之次细细条，烧得鱼鳍部位脆卜卜，肉质都ok，加咗少少黑椒同盐调味，食鱼嘅原味。烤龙虾海鲜拼盘$298好丰富😌，有3只大大只嘅托托蚬、1只好厚身嘅蒜香葱粒烧扇贝、半只爽口弹牙龙虾，只蚶仲已经细心剥咗壳添，另外仲有一只甘香炸软壳蟹同埋一堆鲜嫩鱿鱼圈鱿鱼须。睡蟹意大利饭$208呢个我见人哋啲相好精致，啲饭系酿落蟹盖度😍，但系当日店员告知蟹嘅供应商出变，冇晒蟹盖，打卡冇咁靓，有啲小失望🙈，但系我哋都照样点呢个饭食。意大利饭有咬口，伴入南瓜蓉同埋一丝丝蟹肉，上面仲慷慨地铺满厚厚嘅蟹膏加蟹肉😋，加上鲜味嘅三文鱼子，正。个份量应该比原先嘅酿蟹盖仲要多呢！红豆绿茶雪糕$58甜品我哋就拣咗个比较日式嘅，雪糕造型好得意，系一粒一粒正方体，绿茶味非常浓郁，雪糕非常滑，配埋粒粒红豆蓉，好食。