金鶴拉麵 (閩街)

营业中

休息中

听讲呢间拉面店几出名，我本身未食过鸡白汤拉面，今次一次过试咗史上极浓鸡白汤拉面同金鹤鸡白汤拉面，果然好味道，下次有机会都想带屋企人嚟试吓。餐厅环境整洁，好有日式餐厅嘅感觉，另外有bar枱可以望到厨师即时煮拉面同烧烤鳗鱼等等。史上极浓鸡白汤拉面$138- 拉面一上枱我哋立刻试吓个汤底，讲真史上极浓同普通鸡白汤味道唔系差太远，可能鸡味浓多5%左右，不过质感比较浓稠，饮落去觉得重骨胶原多啲，虽然鸡汤睇落好似唔多油，不过饮得多都会腻左少少。每碗拉面都有炸牛蒡、半只流心蛋、木耳丝、两块慢煮鸡胸肉同叉烧，分量都几多。最吸引我嘅系炸牛蒡同鸡胸，平时好少机会食拉面嘅时候食到，炸牛蒡好香脆，味道浓郁，浸泡鸡汤食又有另一番风味。鸡胸好软滑，一啲都唔鞋，感觉比一般脂肪比例较高嘅日式叉烧较为健康，亦配合鸡白汤嘅主题。金鹤鸡白汤拉面$98- 呢款鸡白汤感觉清爽啲，除咗汤底唔同之外，其他配料同史上极浓嘅一模一样，所以性价比较高。另外我哋同店员提出渌熟少少日式叉烧，厨师都好好另上一块叉烧俾我哋。顺带一提，女厕有部电视播韩国男团、女团MV，同日式餐厅风格有啲唔同。