Are U Labeler

营业中

休息中

放工约朋友食一饭，突然想食all day breakfast，揾揾下，我同朋友就揾到依间cafe。门口出面己经好有feel ，霓虹光管嘅门口，而且外面有张枱可以比想望户外嘅人用。入面都几靓，有啲干花嘅摆设，而且有啲公仔，比人一种悠闲生活嘅感觉。而餐厅墙系蓝色嘅油画，为餐厅添加咗一种新潮艺街嘅感觉。我地仲发现Are u Labeler 系一间动物友善嘅餐厅，欢迎啲主人带佢地嘅宠物去食野。食物种类都好多，而且仲有画碟嘅服务。All day breakfast （全日早餐）🥞 $108。份量好大，而且好丰富，牛角包烘得松脆可口，黑机露炒蛋细滑。另外嘅烟肉丶沙律丶肠仔同煎蕃茄丶大啡菇都好入味，而沙律加咗酸醋，酸甜嘅感觉好开胃。Chocolate 🍫 (热朱古力）$40。大大杯，而且上面嘅拉花好细致同好有心机，不过甜咗少少，如果无咁甜就好。Black truffle mix mushroom paste( 黑松露杂菌意粉）$82。份量好大，杂菌份量都好多，不过意粉硬咗少少，如果软身少少就完美，我地食得好饱好满足。整体都唔错，可以一试。