何洪記

营业中

休息中

成日经过何洪记都见到佢个米芝莲一星广告，今晚想食得清淡啲，就一于试吓先。除左招牌云吞面之外，餐牌都有其他汤面，捞面，粥，肠粉，炒粉面，点心，糖水，小菜同厨师推介。选择好多。正斗鲜虾云吞面 大 $60 另加一作为招牌，第一次黎一定要试吓正斗鲜虾云吞面先。一如预期，生面放喺云吞上面上枱，好弹牙爽口，配红醋食好味，合格。云吞5粒，都有少少韭黄香。另外可以叫小，会平啲。正斗鲜虾净云吞 $60 另加一正斗鲜虾净云吞一客9只，云吞好细只，食落肉有啲实，麻麻哋咋㖞，权记云吞好食过佢。个汤系好饮，坚有虾壳味，仲有韭黄香。香脆油条肠粉 炸两 $53 另加一香脆油条肠粉一客12件，另上豉油同太极花生酱同甜酱俾你沾。肠粉皮够薄，油条都算脆口，不过有啲实，唔够酥。呢个价钱唔多合格。七彩子姜靓皮蛋 $58 另加一七彩子姜靓皮蛋有皮蛋两只，质素可以，蛋白唔够弹牙，蛋黄都仲流流哋汁。皮蛋下面系红色嘅酸姜片，味道少少辣，较为多水，唔系几好食。上面洒上少少葱花同花生，花生都仲脆嘅。总括而言，生面质素正常，不过其他地方都食到。云吞唔合格，其他食品都系麻麻哋，呢个价钱只系食装修同米芝莲一星个朵。冇下次。