佳牛美酒 (已結業)

餐厅好近港铁站，行几分钟就到。一出电梯就见到一个酒柜，唔单只有气派，仲放咗好多靓年份嘅名酒😎。我哋食四人餐，厨师会介绍牛嘅边一部份，同埋系你面前整，服务再加分。前菜系厨师沙律，好似系日本水菜，一啲都唔hea。仲有烧北海道带子，大大只，加特别酱料好鲜甜。跟住开始食牛🐂啦。A5日本和牛牛板腱，新鲜嫩口，食到葱粒，啱我口味😘。另外仲有牛三角和牛小排，都好好食。每个牛部位嘅口感同味道都唔同。烧大磨菇好新鲜🍄，杂菌加上黑松露，浓淡适中，劲野味。到美国厚切牛舌，好软身，口感好特别。之后食柠檬雪葩，清清口腔，等我哋试真啲跟住落嚟嘅重头戏，好有心思。柠香好清新🍋。由食嘢之前介绍到而家，澳洲和牛M9+终于出场啦……唔点调味料，外脆内软，劲好食👍👍。再试下点芥辣，加几片脆脆蒜片，都好正。跟住又试下点黑椒酱，真系有惊喜，啲黑椒唔辣，好新鲜好香，同和牛超夹，加上红酒绝配，系我成晚嘅至爱😍。讲到酒，啲红酒好靓🍷，有果香，好易入口。后嚟同事又开咗支濑祭磨き二割三分，系用米粒磨到得翻23%酿制而成，系日本酒最矜贵㗎🍶。正呀！到和牛温泉蛋饭，半生熟嘅蛋同牛肉捞埋一齐食，又滑又多汁，系我食过以嚟最好食嘅温泉蛋饭😋。临尾