Lucky U

营业中

休息中

今日约左个 劲耐冇见嘅朋友 约左喺荃湾，佢话公司附近开咗一间装修唔错的酒吧，倾计都几好嘅地方。 所以今日就约咗大约十点钟去到𠮶度。因为大家都食咗饭嘅原因，只系嗌咗一个小食拼盘同埋两杯嘢饮……倾计倾咗大约两个钟头先走 ，原来呢度仲有其他游戏， 可以下次一大班人嚟𠮶阵时可以玩下。lucky u 小食盘 $188……都有吾少吾同的食物，鱿鱼圈 唔太油都脆口入边由于份量都大，鸡翼 劲脆口 ，鸡肉都唔错。食完炸野再食返冷盘 ，巴拿马火腿 浓郁味道 ，而且三片都唔少添（如果有粒生果或饼干更好……哈哈）。当然 仲有最爱 烟三文鱼 ，都系有三大片 ，三文鱼味道浓 又香，岩晒我！西班牙辣肉肠 有少少辣而且好有口感几特别 和薯角 分量都唔少，食完成个并盘之后都几饱肚，朋友仲想消滞下，仲食中间酸瓜，都话好味㖞…其实我谂其实3个人黎食都得添……当然倾偈唔少得就系饮嘢啦，但系因为我哋听日要返工嘅原因，所以今日冇饮酒，叫咗一杯果汁 苹果汁和橙汁$58 ，味道都正常唔差…而且份量都算做大杯 ，下次等放假可以下次同一班朋友再嚟饮唔同嘅调酒。