大滾友火鍋

城市人难得入元朗，朋友即刻带我去食好嘢。佢系咁推介呢间大滚友火锅嘅汤底。呢度嘅汤底全部嘅名都好优美，猪肚藏鸡其实就系胡椒猪肚鸡汤锅。胡椒嘅香味唔会太浓太辣，味道啱啱好，入面仲有鸡件同猪肚，打边炉之前记得要饮个汤先。A4黑毛和牛牛胸腹嘅油脂分布平均，每一片都有好靓嘅雪花纹，口感嫩滑之余亦都有牛味。大蚬嘅size真系超大只，而且只只新鲜又冇沙，味道鲜甜。鬼马油炸鬼系将墨鱼滑酿入油炸鬼，上面再铺满蟹籽，味道一流。依个汤底配油麦菜真系好夹，每条菜索哂胡椒猪肚汤，份外清甜。仲配埋呢度自家制嘅清热菊花茶，打三个钟头边炉都冇有怕。