影片
更多
2019-08-25
398 浏览
近日住大角咀嘅同事，试咗屋企附近有间抵食鸡煲放题，食物高质之余，仲要无限时任饮任食，够哂尽兴！于是佢约埋我再去食过！喺太子站行过去，边行边讲，好快就到。净系鸡煲都已经有五款选择！有招牌川味鸡煲，养生正气鸡煲，秘制椰香鸡煲，南姜鸡煲，儿童适宜芝士鸡煲；照顾晒大人细路，食辣同唔食辣嘅需要。饮品选择亦都好多，除咗有各款韩式罐装饮品，汽水，茶饮，仲有自家制菊花物同埋茶包可以冲泡，加$20仲可以任饮酒精饮品添！坐低冇耐店员即送上小食👍🏻是夜我哋拣咗个招牌川辣鸡煲，呢度既鸡煲直头可以话系同你度身订制，辣度/花椒/芫荽/洋葱/大葱/姜片各种份量嘅多少完全由你去选择👍🏻秘制辣汁好香好惹味！鸡肉肉质嫩滑juicy！鸡皮少油脂，连皮食都唔内疚；而且鸡煲香而不腻，唔系油淋淋嘅𠮶种辣油鸡煲！我地不知不觉差唔多食晒成煲先加汤打边炉😂火锅配料选择都唔少，有成四五十款。炸鱼皮酥脆，当小食就咁食都已经好正！肉类质素高，牛小排牛味香浓，安格斯牛肩胛鲜嫩，油脂甘香，西班牙黑毛猪梅肉口感弹牙。特别想讲嘅系，呢到嘅丸类都好有质素，肉味浓，好弹牙！钟意食肉丸嘅我，一食就知道系靓货，唔系平时出面放题食开𠮶啲cheap cheap
喺太子站行过去，边行边讲，好快就到。
净系鸡煲都已经有五款选择！有招牌川味鸡煲，养生正气鸡煲，秘制椰香鸡煲，南姜鸡煲，儿童适宜芝士鸡煲；照顾晒大人细路，食辣同唔食辣嘅需要。
饮品选择亦都好多，除咗有各款韩式罐装饮品，汽水，茶饮，仲有自家制菊花物同埋茶包可以冲泡，加$20仲可以任饮酒精饮品添！
坐低冇耐店员即送上小食👍🏻
是夜我哋拣咗个招牌川辣鸡煲，呢度既鸡煲直头可以话系同你度身订制，辣度/花椒/芫荽/洋葱/大葱/姜片各种份量嘅多少完全由你去选择👍🏻
秘制辣汁好香好惹味！鸡肉肉质嫩滑juicy！鸡皮少油脂，连皮食都唔内疚；而且鸡煲香而不腻，唔系油淋淋嘅𠮶种辣油鸡煲！
我地不知不觉差唔多食晒成煲先加汤打边炉😂
火锅配料选择都唔少，有成四五十款。
炸鱼皮酥脆，当小食就咁食都已经好正！
肉类质素高，牛小排牛味香浓，安格斯牛肩胛鲜嫩，油脂甘香，西班牙黑毛猪梅肉口感弹牙。
特别想讲嘅系，呢到嘅丸类都好有质素，肉味浓，好弹牙！钟意食肉丸嘅我，一食就知道系靓货，唔系平时出面放题食开𠮶啲cheap cheap丸！
珍宝蟹柳同啤酒肠果然好有份量，记得留意番Menu上面嘅巨型食材标注，唔好浪费食物。
蔬菜同菇类都有得自助，用花盘装住，影相得意之余，又可以隔水。甜品仲有啫喱同凉粉！
张贴
