Karui Bento

营业中

休息中

我系第二次食，今次就叫左个烧汁鸡扒便当。 基于上一次既经验，我今次叫左少饭同埋走菇，因为我对菇类过敏，食唔到又系要dum。店员姐姐都好配合我既要求，虽然佢听到我走菇既要求之后有d兀突，不过我都好感激佢。（有位sister系食评提过女仔叫少饭都食唔哂，但系我唔信🙄，结果自己攞黎受）当我攞个便当返公司之后，先见到有咁多块鸡扒！ 哗，好在我叫少饭都咋，如果唔系真系食唔哂。我先食蔬菜，有几片萝卜同好多椰菜。口感好爽脆，水份唔多，仲可以食得到蔬菜本身既味道。跟住就系鸡扒啦，同我之前食既豚肉便当一样，都系撒上左芝麻粒。不过我一放入口，先至发觉d鸡扒落左黑椒......我本身唔食得辣，连黑椒都顶唔到，佢menu冇写到。但系我买左返黎，就唯有硬着头皮食左佢。呢个位我扣左分，因为黑椒影响左我品尝鸡扒既心情。鸡扒好嫩口，完全唔干身👍🏻。溏心蛋白比较稔，依稀见到小小蛋白桨？腌得唔太咸，我ok。白饭好有咬口，唔会太湿。整体黎讲，成个便当既食材比例配合得好均衡，而第一日食既豚肉便当令我回味左成个下昼。系鸡扒上面有黑椒令我失望，希望贵店可以系menu上提及埋。