一風堂 (德福廣場) (已結業)

不嬲都好想试吓一风堂嘅拉面，果日做完嘢就嚟咗呢度食晚餐！对比起其他餐厅，呢间唔算好多人排，可以直入！叫咗个赤丸新味，佢有得拣面嘅软硬度，又几贴心！嚟到卖相好吸引，汤底味道唔错，浓得嚟又唔会觉得好重味精！面嘅软硬度拣左适中，就真系适中！而且块肉都几好食！不过系份量就真系有啲少，虽然我哋已经要埋饺子，但女仔食都唔系好饱，男同事直头食完出咗去再买泡芙食！所以建议想轻食就可以，如果好肚饿嚟就真系唔系好得嘞！难怪对比起其他餐厅，无咁多人排队！