Domon 札幌拉麵 (已結業)

作为荃湾居民，想食日本拉面，呢度就系唯一选择，唔系就食味千。都无所谓既，系就系贵左少少，但系好食就算啦，气氛又好，成日都一班日本人系入面食饭。早两日去左，真系想问班伙计系唔系转左手，差左咁多既﹖拉面，唔弹牙，都算，竟然系未煮散既﹗重有一旧仔系团埋一齐，就算系任何一间港式拉面店都唔会啦。个汤，唔咸唔清，我都忍你，竟然唔热既﹗暖暖地就上台，系唔系玩呀﹖块叉烧，唔肥唔香唔入味，OK，Fine﹗但是唔可能系冻架嘛...望下厨房，以前位肥师傅已经无左影，换左两个仔系度；再望下其他野，愈来愈多野唔同，可乐唔系用支装，变左罐装；热饮唔系以前既杯，变左澳门茶餐厅既铁杯；台上既纸巾唔再系日本牌子，而系不知名杂麦牌子；连装调味料既，都变左样。可能我奄尖啦，呢几样其实同味道无关，不过咁，对于一间标榜正宗既拉面铺，收人成七八十元一碗拉面，有好多野系唔止味道咁简单啰。唔会再去啦。