影片
更多
2023-04-23
425 浏览
呢间餐厅我去三次，净系一次食到。因为佢真系排队排到好癫，要差唔多一个钟起跳。所以如果赶时间真系算啦，或者可以早啲去攞飞之后再行阵街。佢哋主要系食怀旧点心，有啲都几特别系其他地方比较少见，同埋佢哋个叉烧都系好出名，虽然我冇叫但见隔离台都好似好靓系半肥瘦嘎😍，同好厚切，一旧等于平时两旧。千层糕佢主要系用奶皇去整，有啲似中秋节，奶皇月饼果只味。个奶黄好香，中间夹左啲nuts令松软嘅千层糕，增加口感。而家去饮茶都好少见有千层糕。三色肠一次过满足你三个愿望，啱晒啲一两个人食，但又想食多啲唔同肠嘅人。灌汤饺呢个都系佢地其中一个招牌点心，真系见到差唔多台台都叫，一黎到真系唔系讲笑有成个拳头👊咁大只。职员好细心咁上嘅时候都会比多只碗，因为皮薄所以会易穿。总结来讲，除咗价钱偏贵同埋要等之外，其他都唔错。因为有好多平时好少见嘅点心包括沙翁、煎糯米鸡、荷花酥🪷如果下次唔使等咁耐都可以再试吓。🥲🥲
千层糕
佢主要系用奶皇去整，有啲似中秋节，奶皇月饼果只味。个奶黄好香，中间夹左啲nuts令松软嘅千层糕，增加口感。而家去饮茶都好少见有千层糕。
三色肠
一次过满足你三个愿望，啱晒啲一两个人食，但又想食多啲唔同肠嘅人。
灌汤饺
呢个都系佢地其中一个招牌点心，真系见到差唔多台台都叫，一黎到真系唔系讲笑有成个拳头👊咁大只。职员好细心咁上嘅时候都会比多只碗，因为皮薄所以会易穿。
总结来讲，除咗价钱偏贵同埋要等之外，其他都唔错。因为有好多平时好少见嘅点心包括沙翁、煎糯米鸡、荷花酥🪷如果下次唔使等咁耐都可以再试吓。🥲🥲
张贴
