麻辣香鍋

营业中

休息中

喺朗豪坊行完街，唔一定要喺朗豪坊入面揾食嘅，其实走出小小都有好多好正嘅餐厅，今日我哋就拣咗由朗豪坊步行2分钟就到嘅呢间麻辣香锅。呢度嘅鸡煲都几抵食，香锅鸡煲半份只系百零蚊，最啱我哋人少少又想食鸡煲。呢个鸡煲带少少辣，属于BB辣嘅级别，大人细路都食到，而且更能令鸡汁提鲜。入面仲有莲藕同土豆片作配菜，入晒味好好食。另外仲叫咗回锅肉，菜同肉嘅比例适中，我最钟意沾有酱汁嘅蔬菜，又好味又有益。呢度无论你点咩菜式，都可以点么么皮，即系平时用嚟包片皮鸭嘅饼皮。我哋就用嚟包回锅肉，味道出奇地夹，后悔只系点咗6张太少。炸馒头俾阿仔食，佢因为太肚饿，自己一口气食晒六个，练奶都差唔多冇得剩，就证明几好食。我就最钟意食莴笋，呢个炝炒莴笋丝简单得嚟又好味，每条莴笋丝都好香好滑。酸梅汤酸酸甜甜，越饮越开胃，原本谂住开心share，结果都系叫多一杯。原来呢度嘅午市套餐都好抵食，下次如果经过都可以嚟帮衬。