泉章居 (已結業)

父亲节前后， 随街揾一间酒楼食餐中菜都要三四千蚊起跳， 仲要食埋𠮶啲例牌菜式， 所以我哋见泉章居喺父亲节前一日都可以散叫， 就决定再去会一会佢。我哋一行十大三小， 叫咗一个六人餐同四人餐，都已经够哂食。叫咗啲咩食大家可以参考下下面张单泉章居嘅食物质素不嬲唔差，全部都系可食用范围。喺度讲返我当中嘅推介：1. 霸王鸡： 嫩滑有鸡味， 另备有沙姜汁， 钟意重口味嘅可以点嚟食。 我自己钟意连埋面头d葱点沙姜一齐食2. 梅菜扣肉： 送白饭最正， 但亦都系最肥最邪恶嘅讲完嘢食，要提返大家泉章居不嬲啲座位都系比较迫，加上我哋𠮶晚系父亲节前夕，爆晒场，啲侍应个个都已经做到黑口黑面，完全零服务，但我一早有心理准备，所以我系体谅既。但追求舒适好服务嘅朋友仔就谂清楚先啦。