天天海南雞飯 (ELEMENTS圓方)

营业中

休息中

星期三晚同男朋友系佢公司附近既圆方食晚饭，餐厅选择唔多，最终我地入左去天天海南鸡饭食。呢间天天海南鸡饭唔同新加坡个间系food court到，呢间系一间餐厅，装修得好有气派。去天天海南鸡饭一定必食海南鸡饭，我地就梗系有叫啦，另外仲叫左鸡油饭、肉骨茶、小笼包同豆腐花。天天文昌鸡有三种酱料：姜蓉、辣椒酱、黑酱油，另外仲有一壶鸡汁。鸡有半只，肉质嫩滑，鸡皮都好食，果然系名物。鸡油饭(细)38 我觉得好好食，油饭好香口，口感系我钟意既硬硬地既饭。古法骨茶除左有排骨，仲有猪肚、豆卜、腐竹，排骨肉质软腍，汤有胡椒味但又唔会过浓，岩岩好，而且侍应会帮你加汤，好正。原味小笼包有支装住醋既管仔，加入汤汁到都几夹，唔错。黑松露小笼包唔单止块皮，连啲肉都有黑松露味。花好月圆系原味豆腐花，但又同食开既唔同，十分水润，入口即化，好重豆浆味，有惊喜，好味。