貴川風味館 (已搬遷) 新店位置

因为成日系旺角转车返屋企…所以好多时系旺角埋饭先。不过先决条件系要快，方便同唔使谂！所以好多时都系谭仔搞掂！讲番呢间贵川，以前都成日经过但都系过门而不入！因为见到场面冷清清冇乜人！所以都系唔敢搏！不过唔知几时开始好多人排队就挑起我D好奇心想试下！终于有日9点几经过又咁啱见到有吉位就即管入去试下！入到去靓女安排左我地坐4人卡位！！系谂紧食乜时候，靓女急不及待问我地食乜几次！为左配合佢，我就即刻叫左墨丸炸酱小锅米线！女友就叫左腩肉鱼饺米线！先讲下个汤底，味道同荃湾云贵好近似！酸酸辣辣！不过呢间就冇咁肥腻！墨丸都唔错，有D墨鱼香味！都唔会成口粉成粒份子料理咁！炸酱就不过下失！鱼饺就同一般街食到分别不大！腩肉都系不过不失！唔太入味！呢味野我都系觉得荃湾云贵好味！米线煮得好烟韧不过份量太少！大约$40碗粉唔系太贵！可能我大食，唔太饱！不过总括黎讲几好味！如唔太肚饿又想食下米线，绝对系旺角谭仔以外唔错既选择！谢谢…