和喜雲南米線

营业中

休息中

今日口淡淡想食碗酸辣米线，见呢间咁近公司得呢又未试过，就去试吓先。一入到去仲有几张吉枱，不过临近食饭时间都系俾亚姐好似玩切俄罗斯方块咁砌咗去一张坐咗三个人嘅圆枱度，啲位仲要都几迫吓。𠮶刻望住其他吉枱系无奈嘅，不过到将近食完𠮶阵，见佢全场满座之余仲要有人等紧位，俾人俄罗斯，又抑或去俄罗斯人，都只不过系迟早嘅事。原本无谂住食肉，不过见佢个猪颈肉系推介就即管叫黎试下，虽然个样好似白烚咁，口感又有少少鞋，不过阵味唔错，有好大阵嘅酒味，以乎用咗好多酒落去腌，都几香， 汤底方面都系𠮶啲酸酸辣辣咁啦，我嗌咗小辣，阿姐听错咗微辣，啱啱上枱𠮶阵辣𠮶方面确实系唔够喉，好彩佢摆喺枱面𠮶一盅辣椒油都唔系流野，够哂香辣，因为𠮶只花椒油嘅香味令到我相信就算嗌厨房加辣，应该都系落呢一 pat 野。除咗要持有方块嘅心境之外，食完之后成个下昼都几颈渴。