川熙樓 (已搬遷) 新店位置

正當煩惱唔知食咩嘅時候， OR 永遠幫到你。 係search 期間，見川熙樓好似轉咗餐牌，心想反正有一段時間冇嚟， 一於就佢啦！ 上到嚟， 睇餐牌已覺得好吸引，好多菜式都有圖，好豐富。 除咗招牌川菜之外，特式小炒都唔少，係尖咀區亦唔算太貴。 話哂重遊， 當然要試新嘢，我同朋友不約而同睇中個香辣魷魚蝦， 所以放棄咗念念不忘嘅三椒爆香雞。 魷魚蝦辣度適中，亦好入味，越食越想食， 正！ 至於前菜，朋友見紅油花膠唔算貴，所以叫咗嚟試， 本身冇味嘅花膠配上舖頭秘制紅油，又辣又香，唔錯。另外辣子大肉蟹係我同朋友嚟嘅主要目的，第一次嚟係食香辣蟹，今次食好啲要辣子大肉蟹。個蟹一上枱就聞到辣椒香，good。朋友食完話唔夠喉，追加個辣子雞脯，全部清哂，大滿足。嘢飲方面， 朋友喜見有佢最愛嘅 fresh lemon soda, 當然會叫， 我哋亦發現原來呢度有青島生啤， 一路食辣嘢一路飲生啤，享受呀。最後甜品當然唔少得。轉咗餐牌，連甜品都由2樣增至5-6樣。 今次叫咗柚子冰粉同埋紅糖桃膠。 桃膠口感似燕窩，又似大菜糕，聽講含有骨膠原， 好美容呀。。。 今餐又花膠又桃膠， 食完呢餐，靚哂我哋一行4人今餐每人