粵來順 (已結業)

今晚我们喺旺角附近做完嘢之后谂著去喺登打士街已经有一段时间无嚟嘅「粤来顺」食晚饭，但一去到就见到店外同之前一样都系有好多人排队等位，由于今次我们系临时决定，无预早订位，所以我们都要同其他人客一齐等位，但喺等位嘅时候见到喺墙上贴著一份报章，认真一睇，原来系他们最近得到「2018米芝莲推介食肆」，所以就算要等咗好耐先有位，我们都会想继续等落去！我们叫咗木瓜炖花旗参汤嘅汤底味道好甘甜浓郁，而且感觉好滋润，最啱喺而家呢啲咁干燥嘅天气饮！冰梅榄豉骨嘅肉质极之松化软滑，完全唔会有好硬实实嘅感觉，而且好离骨，至于酱汁嘅味道酸酸甜甜相当醒胃，而且好入味！金沙凉瓜片嘅凉瓜片相当甘甜爽脆，外层系甘香浓郁嘅金沙咸蛋黄，食落味道非常夹，真系创意十足！沙姜煎焗鸡系用一个烧到热辣辣嘅煲仔嚟盛载著上碟，听店员话首先将啲鸡肉煎香咗之后再焗，所以香浓嘅沙姜味渗透晒啲鸡肉入面，而且肉质好软滑，完全唔会有「嚡」嘅感觉，真系好正呀！豉汁蒸鱼云蒸嘅时间火候控制得恰到好处，而且鱼云系新鲜即㓥，所以肉质非常鲜甜嫩滑！总括：虽然已经有一段时间无嚟，但师傅仍然可以保持著水准，所以他们得到「2018米芝莲推介食肆」嘅荣誉，系值得嘅！