馬泰 (已結業)

去完新都城睇戏，特登过黎东港城揾食。向来都钟意食泰国野，贪佢够惹味，不过今日人少少，只可以叫个青咖喱鱼配印度薄饼，同麻酱海哲野菜沙律。首先上台既系沙律，平时食开柚子既，今日转新野，有惊喜！麻酱香口唔在讲，最钟意系佢夹杂左既鸡丝，好滑，唔会成阵雪味，OK㖞！好快就俾我地KO左。至于青咖喱鱼配印度薄饼亦唔错。平时食开咖喱都系猪或牛，好少叫鱼，因为怕腥。不过佢地既鱼块系炸过既，出面脆里面滑，亦冇猪同牛咁滞。另一样要赞既系薄饼，试过有D地方，上完薄饼隔成15分钟先再上咖喱，等到有咖喱时件薄饼都LUM晒LU！呢度就好细心，一齐上，抵赞。