餓媽家姐 (已搬遷) 新店位置

好耐冇去厚福街，见到有间外卖店叫饿妈家姐，个名好搞笑，于是过去望吓。原来主打系burger，仲有港式小食，当中XO酱炒肠粉，似乎都系名物。横掂都未食饭，所以决定嗌个外卖拎走。店内面积唔大，有张枱仔俾人离开前整理好外卖或立食。今次叫左三样野：芝士烟肉安格斯汉堡、XO酱蛋牛肉炒肠粉同埋炎上一口和牛。汉堡包嘅牛肉肉质鲜嫩，牛肉味浓，加埋半融既芝士、煎香佢左嘅烟肉，新鲜嘅生菜蕃茄、个包仲要系竹炭包，所有嘢加埋一齐真系人间美味。XO酱蛋牛肉炒肠粉亦有惊喜。牛肉有好多片，而且食得出系冇用松肉粉拿到淋哂，肠粉亦都冇炒到一pat pat，条条分明，加埋XO酱， 碟肠粉真系好惹味，会想再encore。最后系炎上一口和牛。和牛粒带微红，肉汁丰富，肉味亦浓。三样嘢加埋$140 ，价钱合理，食物高质素，而且地点方便，一定会再嚟。