篤篤車 (已搬遷) 新店位置

呢间面店最大特色相信系汤底，冬阴功系普通泰国菜馆都容易食到，但鳄鱼汤真系好少见，好有兴趣知佢咩味...从出面个menu，见到除o左呢d 特式汤底外，佢都仲有正常车仔面既清汤或者牛腩汤拣既。我lunch time 黎食，可能餐厅位于学校区，超多学生帮衬，店员一时都应接不暇，只可叫外面等紧既人攞住张点菜纸点住先。呢个都唔系问题，问题系佢无派筹，有人打尖一见人出就摄左入去，但个侍应女仔都唔理，感觉其实不太好。$35 有三款𩠌，系ok 抵的，尤其有埋特色汤。试左佢主打既鳄鱼汤，汤底幼滑鲜甜，仲落左d 红枣杞子药材去煲，补气补身，系果真唔错既配搭。食完个面，都仲可饮多两啖，唔会话好咸好口喝咁。冷热饮都系加$7，咁天气咁热梗系叫冻。另外我见到对面个学生妹叫左个春卷，好似都炸得几甘香，下次可试埋既～希望到时入座安排会好一点。