影片
更多
2024-07-23
2229 浏览
上年12月嚟过，当时食下午茶，对餐厅印象麻麻，记忆点系（1）冷气弱；（2）咖啡细杯。有得拣就唔会再嚟，但不如人意，朋友传出呢间餐厅的连结，话想食。事隔大半年，试多次~~假日late lunch时段到达，餐厅的午市套餐除包含午膳时段外，仲去到2030。特别的系，入座时，侍应仲提供埋晚市2人餐的餐牌。可能餐厅所有套餐都贯穿午、晚市！？午餐价格大致可接受，但要加一。餐饮的咖啡除美式、鲜奶咖啡外，其他要补钱。计埋加一，人均消费$90-100。而朋友点全日早餐，$148，加一后就>$160。餐汤/沙律：朋友点餐汤，只饮咗1-2啖；个汤杰身，似芡。全日早餐：英文叫Coti breakfast，用番餐厅个名，少费，系咪物有所值？我觉得如果散叫~$70都可以，但$148就绝对over-priced！虽然食材唔少，但烟三文鱼颜色惨白；面包/多士朋友好难先切得开；蛋得1只，系太阳蛋，煎穿咗。最后，朋友食净1/3碟，烟肉同茄汁豆冇掂过。日式胡麻波蛋香草猪肉肠藜麦沙律：个名好长，材料简单。由于餐厅冇乜素食选择，所以我点餐后就外带香肠俾狗狗爸爸（相片冇影到啲肠）。沙律菜几新鲜，水波蛋系中、大型蛋，熟咗啲
假日late lunch时段到达，餐厅的午市套餐除包含午膳时段外，仲去到2030。特别的系，入座时，侍应仲提供埋晚市2人餐的餐牌。可能餐厅所有套餐都贯穿午、晚市！？
午餐价格大致可接受，但要加一。餐饮的咖啡除美式、鲜奶咖啡外，其他要补钱。计埋加一，人均消费$90-100。而朋友点全日早餐，$148，加一后就>$160。
餐汤/沙律：朋友点餐汤，只饮咗1-2啖；个汤杰身，似芡。
（假日午餐）沙律
14 浏览
3 赞好
0 留言
全日早餐：英文叫Coti breakfast，用番餐厅个名，少费，系咪物有所值？我觉得如果散叫~$70都可以，但$148就绝对over-priced！虽然食材唔少，但烟三文鱼颜色惨白；面包/多士朋友好难先切得开；蛋得1只，系太阳蛋，煎穿咗。最后，朋友食净1/3碟，烟肉同茄汁豆冇掂过。
（假日午餐）全日早餐
$148
12 浏览
0 赞好
0 留言
日式胡麻波蛋香草猪肉肠藜麦沙律：个名好长，材料简单。由于餐厅冇乜素食选择，所以我点餐后就外带香肠俾狗狗爸爸（相片冇影到啲肠）。沙律菜几新鲜，水波蛋系中、大型蛋，熟咗啲，少蛋液。沙律有藜麦，健康加分。
（假日午餐）日式胡麻水波蛋香草猪肉肠藜麦沙律
26 浏览
0 赞好
0 留言
鲜奶咖啡：虽然仲记得咖啡细杯，但送上时仍有少少惊讶，可能只得150ml。杯碟几靓，但拉花唔靓。咖啡非常热烫，系滚水的温度；咖啡味唔突出，冇乜特色。跟餐的话，点咖啡好过点果茶，朋友点咗冻蜜桃茶，零presentation。
（假日午餐）鲜奶咖啡
57 浏览
0 赞好
0 留言
下次再有朋友想嚟食嘢，我要认真劝止。始终呢个价钱，食物质素可以好啲。上次餐厅冷气细，今次亦一样，就快大暑，怕热人士会食到冒汗。
张贴
