影片
更多
2022-10-15
82 浏览
上个月同朋友去呢间新开嘅日本餐厅试Omakase，食物中上，个日的服务都ok（但发生咗事情后个侍应态度转变）事源一早book咗位庆祝朋友生日，book位个时问生日主角中意乜嘢，佢可以画出嚟，但佢要叫雪糕先得（然后侍应话如果唔叫雪糕都唔紧要嘅…最多佢请佢食）心谂咁好服务嘅？咁未去之前已经加分啦！当日去到，叫$880舍，系lunch set最贵个𠮶1点去谂住可以慢慢食啦～但中间等候上菜时间较多，因为师傅要一个处理两枱客（隔离枱客大约2点到）然后去到尾声时就好似赶头赶命咁，收晒我哋啲嘢上其他嘢，时间控制方面可以好点！前菜及温泉蛋，个蛋好普通，有少少碎，个沙律系柚子味，但啲菜唔多，细条一支支菜，有点难食个刺身系好食，俾咁多钱我谂最值得食就系呢个刺身，好欣赏佢个碟好靓，刺身都新鲜，不过$480都有呢个刺身，所以食平啲都可以享受到因为有十件寿司太多件放唔晒啲相，所以拼做一张，但点解得9格？因为师傅漏左一件，我当时其实有反问个师傅真系够十件咩？佢话齐啦，所以我就由佢，返到屋企睇相时数来数去得9件，所以打返去餐厅确认，原来真系漏咗，个侍应有道歉但已经唔系booking个态度，有少少唔漏都漏左，你想点g
事源一早book咗位庆祝朋友生日，book位个时问生日主角中意乜嘢，佢可以画出嚟，但佢要叫雪糕先得（然后侍应话如果唔叫雪糕都唔紧要嘅…最多佢请佢食）心谂咁好服务嘅？咁未去之前已经加分啦！
当日去到，叫$880舍，系lunch set最贵个𠮶
1点去谂住可以慢慢食啦～但中间等候上菜时间较多，因为师傅要一个处理两枱客（隔离枱客大约2点到）然后去到尾声时就好似赶头赶命咁，收晒我哋啲嘢上其他嘢，时间控制方面可以好点！
前菜及温泉蛋，个蛋好普通，有少少碎，个沙律系柚子味，但啲菜唔多，细条一支支菜，有点难食
个刺身系好食，俾咁多钱我谂最值得食就系呢个刺身，好欣赏佢个碟好靓，刺身都新鲜，不过$480都有呢个刺身，所以食平啲都可以享受到
因为有十件寿司太多件放唔晒啲相，所以拼做一张，但点解得9格？因为师傅漏左一件，我当时其实有反问个师傅真系够十件咩？佢话齐啦，所以我就由佢，返到屋企睇相时数来数去得9件，所以打返去餐厅确认，原来真系漏咗，个侍应有道歉但已经唔系booking个态度，有少少唔漏都漏左，你想点ge feel（可能我谂多左？）
事后老板娘有打嚟道歉，但佢解释系个师傅前晚饮醉酒，第日身体唔舒服咁返工，同埋要同时整两枱客，一时漏咗…叫我下次再去帮衬时候补返一件俾我，老板娘都好好人的，话请我饮嘢赔罪！
于是我呢个月又book咗星期六去食，谂住食$380个set，仲加多一位朋友去，book位时侍应听，佢话星期五六日唔做$380，同埋系咁强调补返上次人数嘅件数（意味住多一位朋友个个唔会俾）我当下无讲乜嘢，心里只系觉得佢唔够大方，明明系餐厅做错咗，迫我要再帮衬，然后只系补返我应得嘅嘢…不过呢啖气我吞咗落肚！侍应收线前都有话会通知老板娘～
于是去到再次帮衬嘅前一日，打嚟confirm booking，系个侍应，佢再次强调补返上次人数嘅件数，我个心炆咗，我话老板娘知唔知我嚟？因为我expect佢打嚟同我confirm不过无。
最后我取消左无去到，因为已经唔想再去，有咁多间omakase餐厅，我要去一间有信誉，令客人开心嘅，好容易！
我系想提醒下，去食嘅要留意，可能餐厅会侧侧膊俾漏你，然后你去食，佢又赚你一餐钱，唔去食佢又赚你一件钱！
食物方面：呢个价钱俾啲靓质素是理所当然吧！所以佢啲寿司都系好食嘅，不过系贵，俾少件，就贵上加贵！
$880就会有呢个烧蚝，一般啦，烧完无晒蚝味，调味较多，唔值得食
呢个吞拿鱼蓉手卷要加$70，基本上无人唔加，佢过嚟sell讲到系signature，唔食唔得！其实都好一般，都系数字游戏，因为以前个餐系$980，可能就系咁平咗，呢度又叫你加返
好普通的汤
讲到雪糕，我朋友点知真系无点雪糕，叫咗咖啡，侍应当然无请佢食雪糕啦，我就迫住点雪糕，让咗俾朋友！所以侍应讲嘅嘢唔好尽信！
张贴
