影片
更多
2019-07-21
1042 浏览
叫左个半斤叉烧半只鹅大概$200蚊返屋企谂住一家人开餐，点知一肚气。落左单之后去排队拎，我前面果个人系要叉烧拼烧肉嘅。得一个人向我前面啫。我谂住就快到我啦。点知！我竟然等左五分钟都未到我？有无斩得咁慢呀？好啦，到我啦。我一开始就讲「叉烧唔该要啲姜蓉呀」。佢无回应我啦，又系慢慢咁斩烧味啦。又斩左五分钟啦。又慢慢入盒啦。可能因为后面条龙开始长，所以佢啲叉烧有啲乱斩咁就放入盒啦。咁我见到无姜蓉，我就同佢讲「师傅，我想要啲姜蓉呀。」职员竟然向度笑。笑咩？「得鸡有得送姜蓉㖞，个个客好似你咁我咪好麻烦？」...有几麻烦呢先生。「我之前买亲都可以拎姜蓉㖞...」师傅话：「就系佢地做坏规矩啰！」Ok! 我认食叉烧要姜蓉唔系标准食法，但我人生一次都未试过向烧味档要姜蓉系俾人拒绝嘅。我企左向度同佢争拗（系，我好钟意食姜蓉嘅😂），拗左5分钟，条龙又长左啦。「啦！今次俾你啦！无下次呀！做坏规矩！」我就真系系无下次🙄。无啦啦要受罪。
落左单之后去排队拎，我前面果个人系要叉烧拼烧肉嘅。得一个人向我前面啫。我谂住就快到我啦。点知！我竟然等左五分钟都未到我？有无斩得咁慢呀？
好啦，到我啦。我一开始就讲「叉烧唔该要啲姜蓉呀」。佢无回应我啦，又系慢慢咁斩烧味啦。又斩左五分钟啦。又慢慢入盒啦。可能因为后面条龙开始长，所以佢啲叉烧有啲乱斩咁就放入盒啦。
咁我见到无姜蓉，我就同佢讲
「师傅，我想要啲姜蓉呀。」
职员竟然向度笑。笑咩？
「得鸡有得送姜蓉㖞，个个客好似你咁我咪好麻烦？」
...有几麻烦呢先生。
「我之前买亲都可以拎姜蓉㖞...」
师傅话：「就系佢地做坏规矩啰！」
Ok! 我认食叉烧要姜蓉唔系标准食法，但我人生一次都未试过向烧味档要姜蓉系俾人拒绝嘅。我企左向度同佢争拗（系，我好钟意食姜蓉嘅😂），拗左5分钟，条龙又长左啦。
「啦！今次俾你啦！无下次呀！做坏规矩！」
我就真系系无下次🙄。无啦啦要受罪。
23 浏览
0 赞好
0 留言
张贴
