蒙麵

营业中

休息中

门口永远都有一条长长嘅人龙，但店舖内嘅座位的确系好少，只有两三张枱，但食完觉得的确系高质嘅车仔面。排队嘅时候可以睇吓老板贴喺场上面嘅告示，虽然嚣张，但就显示出老板对自己嘅出品好有信心。叫咗蕃茄薯仔汤底，转做蒙面。蒙面嘅质感其实好似乌冬，但又再滑啲，又有少少烟韧，都可以一试。汤底好饮，配料叫咗牛肚，亦都系正常发挥。另外仲叫咗蜜汁叉烧串，同我哋平时食开嘅叉烧唔一样，并唔系切开一块块，而系一粒粒，好淋烧得好香，但味道就似金沙骨，有啲似平时BBQ嘅腌料。老板由汤底到配料都用心制作，下次会再去试吓其他𩠌菜。