影片
更多
2023-10-17
1674 浏览
同朋友做完运动，当然要食下嘢补充返啦，落到深水埗福荣街、福华街一带，完全喺深水埗食街，选择多到不得了，咁老友想食上海嘢，即时就谂起「万家村」。衬住未过6:00pm，仲可以点到下午茶餐，咁就快快手揾个位坐低点餐先。 佢哋喺深水埗屹立好多年㗎喇，由斜对面街铺搬到嚟呢个舖位，地方更大，楼底又高啲，装修就好似大部分中式小店咁，算得上叫几雅致。 佢哋嘅主餐牌一大本，有好多页，图文并茂，但比较难影，不过临走埋单时见到有啲单张攞，所以，扫描出嚟俾大家当有个参考，整体啲价钱合理，又无加一㖞，怪唔之得枕住咁多街坊帮衬。 前文都讲过我哋赶得切嗌下午茶餐，所以，影出嚟等大家睇睇有咩选择，当中嘅炒粉面套餐或汤面套餐，好抵食吓，因为包一款小食及饮品，而点心精选餐就平啲，轻怡啲，不过只包一客饮品，感觉好似无咁划算。 酸辣汤 $38因为啲下午茶餐确喺好抵食吓，所以，额外点个酸辣汤，谂住过过口瘾，点知「位上」嘅份量估唔到都咁大碗，够分3个碗仔，而且，里面好足料，有唔同口感，酸酸辣辣够晒味道，真喺超抵饮。 手拍青瓜、四喜烤麸我哋点咗两客粉面餐、一客点心餐，所以，有两个自选小食。虽然细细碟，但两款小食都堆到满满，份量唔算
佢哋喺深水埗屹立好多年㗎喇，由斜对面街铺搬到嚟呢个舖位，地方更大，楼底又高啲，装修就好似大部分中式小店咁，算得上叫几雅致。
佢哋嘅主餐牌一大本，有好多页，图文并茂，但比较难影，不过临走埋单时见到有啲单张攞，所以，扫描出嚟俾大家当有个参考，整体啲价钱合理，又无加一㖞，怪唔之得枕住咁多街坊帮衬。
前文都讲过我哋赶得切嗌下午茶餐，所以，影出嚟等大家睇睇有咩选择，当中嘅炒粉面套餐或汤面套餐，好抵食吓，因为包一款小食及饮品，而点心精选餐就平啲，轻怡啲，不过只包一客饮品，感觉好似无咁划算。 
酸辣汤 $38因为啲下午茶餐确喺好抵食吓，所以，额外点个酸辣汤，谂住过过口瘾，点知「位上」嘅份量估唔到都咁大碗，够分3个碗仔，而且，里面好足料，有唔同口感，酸酸辣辣够晒味道，真喺超抵饮。
酸辣汤
$38
22 浏览
0 赞好
0 留言
手拍青瓜、四喜烤麸我哋点咗两客粉面餐、一客点心餐，所以，有两个自选小食。虽然细细碟，但两款小食都堆到满满，份量唔算少。而青瓜好爽脆，浓浓蒜香并带有辣劲，烤麸软腍烟烟韧，吸满晒酱汁，同样好食。
手拍青瓜、四喜烤麸
7 浏览
0 赞好
0 留言
包饮品都喺啲汽水、罐装茶，最健康就喺豆浆，而且，阿姐话豆浆喺自家制，无添加，入口豆味浓郁，又够冰凉，饮几啖真喺爽晒。
鲜肉生煎包 $43啲生煎包新鲜制作，固然好食好多啦，实际上啲生煎包放入口，真喺劲熨口，所以都要摊返阵。包身好软熟，咬落唔黏牙，包底煎得脆口，而猪肉馅好鲜甜，松化又富肉汁。
鲜肉生煎包
$43
27 浏览
0 赞好
0 留言
回锅肉粗炒 $52上海菜嘅特点就喺浓油赤酱，呢个粗炒就突显出上海菜嘅精髓中，食落非常之惹味，又浓又香，而面条咬落有韧劲，回锅肉切得薄薄一片，唔太肥，好软熟爽滑。
回锅肉粗炒
$52
13 浏览
1 赞好
0 留言
花雕醉鸡面 $55汤面可以拣上汤、担担同酸菜汤，拣上通清清哋，唔好睇啲拉面好似好少咁，其实，喺个碗大显得佢少，实际又喺分到几碗仔；但最意外嘅就喺啲花雕醉鸡唔喺得三几件，喺一大碟，仲要好好食，鸡皮好爽滑，皮下脂肪少，肉质鲜嫩，𠮶阵阵酒香味顺口突出，呢个被我哋定为今日嘅最佳之选。
花雕醉鸡面
$55
35 浏览
0 赞好
0 留言
高力豆沙（6只）$ 68仲可以叫到下午茶餐，已经食平咗好多，所以，临尾一于加个高力豆沙，嗌够6只份量，大家开心「些牙」吓。高力豆沙亦喺即叫即制，所以，嚟到又喺热焫焫，个个都好软熟，里面嘅豆沙馅好清甜软绵，所以，份外好食！
我哋食咗无耐，就进入晚市，所以，顺手摆埋晚市客饭套餐嘅餐牌俾大家参考，选择非常之多，耳熟能详嘅上海菜式都有。
佢哋啲嘢真喺好抵食，尤其下午茶时段，所以，有唔少客人帮衬。啲阿姐招呼又好，无咁忙嘅时候久唔久又同啲客人吹吓水，打牙骹，气氛和谐，最紧要就梗喺啲嘢好食啦。
张贴
