影片
更多
2021-07-06
1801 浏览
今晚要做一晚孤独嘅美食家，因为老婆要上堂，本想约老友聚一聚，但有啲私人嘢要赶，所以，食自己就会方便啲。既有一支公，唔需要就呢个𠮶个，就更喺揾啲自己想食，但人哋又未必好啱食嘅嘢啦，揾吓揾吓，见到太子有档煲仔饭「噢吧煲煲掂」，风评都几唔错，况且，好耐无食过煲仔饭，就食完先返归。晌铺面都睇到，店内嘅装修好简单，虽然一室鲜橙加白，好有醒目感，但全场都喺啲圆折枱，加圆胶櫈，好有种大牌档嘅风格，墙上仲贴咗好多食物相，不过一支公，环境就真喺无乜所谓，至紧要大热天时有冷气凉吓OK。其实，拣嚟呢度，都喺因为啲煲仔饭，因为真喺好耐无食过嘞。一版A4字餐牌，所有煲仔饭款式都列晒出嚟，有成十多款选择，由$48-$78，仲可以额外加配料，每款煲仔饭都奉送老火汤。仲有另一张细餐牌，原来餐厅仲兼卖米线同一啲特色小食，同样定价好相宜，好似啲米线咁，$29已有交易。温馨提示，墙上贴咗张通知，请勿携带外嚟食物，否则照价收钱，出嚟食嘢都要彼此尊重嘅，不过，真喺见过有啲客，自觉以为使钱就大晒！无论食煲仔饭，还是车仔米线，虽然无包嘢饮，但汽水每罐都喺卖$6，食水算唔深。西柚梳打 $6食热辣辣嘅煲仔饭，配罐汽水感觉就最爽架喇，加
晌铺面都睇到，店内嘅装修好简单，虽然一室鲜橙加白，好有醒目感，但全场都喺啲圆折枱，加圆胶櫈，好有种大牌档嘅风格，墙上仲贴咗好多食物相，不过一支公，环境就真喺无乜所谓，至紧要大热天时有冷气凉吓OK。
其实，拣嚟呢度，都喺因为啲煲仔饭，因为真喺好耐无食过嘞。一版A4字餐牌，所有煲仔饭款式都列晒出嚟，有成十多款选择，由$48-$78，仲可以额外加配料，每款煲仔饭都奉送老火汤。
仲有另一张细餐牌，原来餐厅仲兼卖米线同一啲特色小食，同样定价好相宜，好似啲米线咁，$29已有交易。
温馨提示，墙上贴咗张通知，请勿携带外嚟食物，否则照价收钱，出嚟食嘢都要彼此尊重嘅，不过，真喺见过有啲客，自觉以为使钱就大晒！
无论食煲仔饭，还是车仔米线，虽然无包嘢饮，但汽水每罐都喺卖$6，食水算唔深。
西柚梳打 $6食热辣辣嘅煲仔饭，配罐汽水感觉就最爽架喇，加上有心水嘅玉泉西柚梳打，正呀喂。一口热辣辣嘅有味饭，一口冰凉清爽嘅梳打，无得弹啦。
红萝卜菜干煲瘦肉无刻意问喺咩老火汤，单纯捞一捞有咩料就叫咩汤，老实讲，个汤真喺劲足料，入口香浓，感觉够晒老火。
田鸡煲仔饭 $78想食新鲜热辣嘅煲仔饭喺要俾啲耐性，店员话所以煲仔饭都喺即点即做，永无贪快做家一半，所以，整煲送上枱时，真喺热气逼人。
一打开盖，田鸡、冬菇都铺满晒晌饭面，店员再跟手淋上甜鼓油，哗！香气十足。田鸡肉质好嫩滑，冬菇够晒厚肉，而饭粒煮得好好，软绵绵，饭粒分明，配上咗甜鼓油故然更好食，最正喺饭底下外仲有少少脆口嘅饭焦，师傅控制火喉非常好。
田鸡煲仔饭
$78
45 浏览
0 赞好
0 留言
上文都讲过煲仔饭款式好多，可惜今次得一个嚟，有机会同多几个人嚟，就可以试到多啲款式。顺带一提，咪睇佢大牌档格调咁款，店员却好有礼貌，做事都感觉快手。
张贴
