Maison Du Mezze

朋友友介绍左间东涌一间隐世主打中东黎巴嫩美食嘅餐厅，试咗几款特色海鲜菜式，有小小惊喜。首先系Seafood Kibbeh。呢道菜由新鲜嘅海鲜配上香料制成，外层酥脆，内里有丰富馅料。加上香料味道独特，带有浓郁嘅中东风味，咬落每一啖都充满惊喜。其次试咗Seafood Scampi，呢道菜有唔同海鲜，好似蚬肉、青口、虾等，配上香草牛油酱汁，味道非常浓郁。酱汁渗透到每样海鲜，每一口都充满香气。呢道菜既有黎巴嫩风味，又带有地中海嘅清新感，真系一绝。Sea Bass系呢一个晚餐最大亮点。鲈鱼煎得外皮香脆，内里鱼肉嫩滑。配上特制嘅香草柠檬酱汁，酸酸甜甜嘅味道令整道菜更加醒胃。鱼肉同酱汁嘅完美结合，令人一试难忘。最后上菜嘅系Clams Pot，呢道菜用新鲜嘅蚬煮成，蚬够晒新鲜，食落无沙，每一啖蚬肉好鲜甜，而个芡汁系由牛油柠檬整成，将个Pita bread蘸埋芡汁食，好好味。呢间中东黎巴嫩餐厅嘅海鲜菜式非常出色，每一道菜都充满惊喜同特色，绝对值得一试