六両三

营业中

休息中

喺门外见到呢间餐厅可能会以为佢系日本餐厅，但其实呢度系专做台湾地道菜嘅！一身木色打扮同家私都渗透出一阵台湾古早味～店内可以见到师傅嘅煮食过程，见师傅好认真仔细，每次都会量过面条重量再煮。墙壁上嘅毛笔字写咗师傅嘅宗旨 — 唔用味精！见到呢句都食得放心啲喇。果然系主打牛肉汤底，牛肉面有好几款嘅选择，另有啲台式小食。皮蛋豆腐冰凉清爽，上面加咗整半个皮蛋，再捞埋啲木鱼丝同豉油膏，啱哂夏天热辣辣食又开胃～百页豆腐同我想像中有啲唔同，但质感都唔错，清清哋配甜酱又几好㖞。汤底应该熬咗好耐，散发出清甜嘅牛肉味，但又唔会太浓而遮盖牛肉味。牛肉同牛筋都唔少，牛筋比较软熟，反而少咗啲弹牙感，牛肉嘅质感几好，几入味～葱油面嘅油份量控制得好，唔会食到好腻但面条又唔会好干，惟肉碎比较少。