悅滿軒

虽然之前都嚟过呢边嘅市集，但都系第一次嚟呢间餐厅食嘢，环境装修都好靓，俾人一种好高级嘅感觉😘🔸日本红蟹西柚沙律配柚子油醋汁〰️沙律系用咗柚子汁同埋加咗啲西柚，成个感觉都几fresh ！日本红蟹肉鲜甜，而且都好多肉，另外仲有鹌鹑蛋，捞埋一齐食，口感同味道又几丰富。🔸烤西班牙八爪鱼脚配苹果沙律，哈里萨汁〰️八爪鱼都几滑溜，口感弹牙，沙律加咗啲苹果好爽甜。🔸烤澳洲龙婽尾配烤露笋，青柠慕斯汁〰️龙虾尾大大只嘅卖相超级吸引，而且肉质都好鲜甜，好厚肉。仲有个青柠慕斯汁都几特别，酸酸地咁几啱我口味。🔸香煎大西洋黑鳕鱼配海鲜，蟹肉昆布汁〰️呢个比较fusion啲嘅菜式，卖相都好梦幻，加咗啲好靓嘅花花之余，仲有啲海鲜泡，味道大大提升。海鲜方面仲有大西洋黑鳕鱼，蚬，青口，虾，非常之吸引。