影片
更多
2020-02-14
37 浏览
行过元朗千色店见到这一间妈咪鸡蛋仔, 顿时吸引了我的眼球, 即刻同朋友每人买一底试下. 依家好多鸡蛋仔都系即叫即整, 但系最惊嘅就系人一多有时真系要等成三四个字, 其实我哋买𠮶阵已经前面有三几个人, 好彩我见入面啲鸡蛋机都多, 应该唔会等好耐. 果然不出十分钟就已经到我哋, 速度唔算差. 今次喺茫茫鸡蛋仔种类里, 拣咗班兰朱古力同埋香蕉朱古力, 因为唔系好多地方有斑兰呢一只味道, 加上我本身都好钟意食斑兰千层糕, 所以一定要试. 仲有在加嘢饮减4蚊, 我呢个抹茶控绝对会叫. 我叫咗个抹茶牛乳而我朋友叫咗个限定紫薯牛乳. 好啦先讲佢嘅鸡蛋仔, 由于我就唔系咁钟意食脆嘅, 所以我通常都会焗佢一阵, 里面好柔软及厚料, 加埋朱古力酱, 但又唔算太甜. 不过如果真系想食斑兰味道嘅话就建议唔好加朱古力, 因为朱古力浓味会盖过原本鸡蛋仔嘅味道, 我朋友食咗香蕉朱古力味, 香蕉味就比较浓, 加埋朱古力一样咁正. 至于抹茶牛乳, 可媲美出面甚至好味过台式饮品店, 抹茶香又浓, 喺日本饮到𠮶啲. 至于我朋友话个紫薯牛乳都好特别, 好好饮. 经过呢个朋友可以试下, 价钱都几合理.
张贴
