鶴亀 (已結業)

难得呢间小店成功续租，当然要黎支持下，星期五既晚上比较多人，大概等左四十分钟左右，亦因为疫情关系，用餐时间都系大概四十分钟，都合理呀！呢度沾面比较出名，但今日比较想食拉面，所以最后都系拣左豚骨拉面同埋盐味鸡汤拉面，加左一个套餐，要左章鱼小丸子同汽水～豚骨拉面汤底浓度适中，唔会太油太咸，面既粗幼度都岩岩好，豚肉微微烧过好香口，仲半只蛋添。盐味鸡拉面就比较淡身，咸咸地，个鸡肉叉烧唔错，想食清啲既可以试下。章鱼小丸子有四粒，外脆内软，即叫即整，热辣辣，必食！