雲川 米線．紅薯粉 (富麗大廈)

营业中

休息中

知道红桥附近多嘢食，今日试吓米线，一入到去，就见到收银处隔离放咗好多碗外卖，睇嚟呢间铺喺区内都几出名。我哋嚟到啱啱好6点钟，等咗几分钟已经入得。舖头细细，座位好迫，我哋虽然有近门口嘅卡位坐，但完全唔够冷气，要额外摆多一部风扇，但作用不大。睇到Menu都有好多唔同款式嘅米线，我哋最后拣咗麻辣汤猪颈肉鸡翼米线，酸辣汤腩肉贡丸米线，同埋家乡手撕鸡。米线汤底好足料，有炸酱肉碎好惹味，配料份量丰富，猪颈肉虽然系薄条状，但味道好，鸡翼卤得好入味，手撕鸡唔鞋口，食落仲有阵阵鸡油香。呢间米线店值得encore嘅，不过环境真系有啲热，可能等天气凉啲𠮶阵再去食过啦。